網紅的藏寶箱留意這個臨時禁令有30天的上訴期，4月12日前美方可以上訴，小心佢哋又彈出彈入呀
//
從這一連串事件中看到，兩大指數在這件事裡高下立見。富時指數是在3月5日公佈要將小米剔除，並在3月12日開市前生效，而MSCI就本應在3月10日公佈如何處置小米，但在當天又臨時話延遲兩天公佈，當初青冰都唔太明白，要諮詢法律意見，都唔差嗰兩日啦，點會delay兩日咁搞笑呢，現在完全明白了，就是一早就收到風3月12日會有新消息，結果法院有裁決，MSCI亦順理成章，唔需要在剔除與否中糾纏，即跟法院做法，而富時指數，執筆之時都未見有通告，但按流程，剔除咗，即使要加返，應該要等下次季檢吧。
這裁決對小米當然是好消息，所以昨天股價大升，而對中芯（981）、三大電訊股及中海油（883）來說，也起了一個示範作用，原來提出訴訟有生機喎，不過，以上幾間公司似乎身有屎，雖然一早已被納入黑名單，但都唔提訴訟，而小米係最後被納入，在兩星期後立即告上法庭，係理據充足所以火速辦事，還是國企同民企之別，恕青冰唔識分析了，但以上幾間公司都搵咗啲無聊嘢搞上訴，就是向紐約交易所要求覆核被除牌之事，既然早前各公司在通告話在美上市的預託證成交疏落，只佔本港成交的一個極低百分比，影響不大，但現在卻走去要求覆核，實在令人感到好笑。
//
大茶飯│峰迴路轉的小米風波（青冰） - Yahoo新聞
Search